Croeso i Fiosffer Dyfi
Aberystwyth a dyffryn ehangach Dyfi
Mae Biosffer Dyfi yn cynnwys holl ddalgylch afon Dyfi ac yn ymestyn ar hyd arfordir Bae Ceredigion mor belled â Thywyn yn y gogledd ac Aberystwyth yn y de.
Mae’n ardal wledig yn bennaf lle mae ffermio, pysgota a thwristiaeth yn bwysig, tra bod y gwarchodfeydd natur o amgylch aber Afon Dyfi o arwyddocâd cenedlaethol. Mae ganddi ddiwylliant dwyieithog cyfoethog, o chwedlau Cymreig i ynni adnewyddadwy a ffermio cynaliadwy.
Mae'r cymunedau dwyieithog yn falch o statws Biosffer Dyfi sydd wedi'i rhoi gan UNESCO yn 2009.
Rhan o UNESCO yng Nghymru
Yn ogystal â Biosffer Dyfi, mae gan Gymru bedwar Safle Treftadaeth y Byd (Cestyll a Muriau Trefi Edward I yng Ngwynedd, Dyfrbont a Chamlas Pontcysyllte, Tirlun Diwydiannol Blaenavon a Tirlun Llechi Gogledd
Orllewin Cymru) a dau Geoparc Byd-eang (Geomôn a Fforest Fawr). Gallwch weld rhestr lawn o safleoedd UNESCO yn y DU yma.
Ni yw’r unig Warchodfa Biosffer yng Nghymru, ond mae’n un o saith ar draws y DU, a thros 700 ar draws y byd. Mae’n ddynodiad gwirfoddol sy’n rhoi cydnabyddiaeth fyd-eang i’r ardal am ei gwerth amgylcheddol a diwylliannol.
Nod byd-eang UNESCO yw adeiladu heddwch parhaol trwy ‘undod deallusol a moesol dynolryw’, dibynnu ar nwyddau cyffredin addysg, diwylliant, gwyddoniaeth a gwybodaeth. Rydym yn falch o fod yn rhan ohono.
Yr hyn yr ydym yn ei wneud
-
Rydym yn cysylltu pobl â natur a threftadaeth ddiwylliannol, er enghraifft trwy bresgripsiynu cymdeithasol a phrosiectau celf
-
Rydym yn datblygu cyfleoedd i wneud yr economi leol yn fwy gwydn, er enghraifft cryfhau rhwydweithiau masnachu bwyd lleol
-
Rydym yn ysbrydoli, galluogi - a hefyd yn darparu - atebion lleol creadigol i heriau byd-eang, er enghraifft gweithio gydag Eco-Sgolion i helpu pobl ifanc i wella cynefinoedd ar gyfer bywyd gwyllt
-
Rydym yn dathlu ac yn cydlynu gweithredoedd amrywiaeth eang o sefydliadau, gan gynnwys ffermio, twristiaeth, addysg a’r celfyddydau
-
Rydym yn creu cysylltiadau ac yn meithrin dealltwriaeth; annog pobl â phrofiadau ac arbenigedd gwahanol i gydweithio mewn ffyrdd newydd. Mae ein Partneriaeth yn cynnwys awdurdodau lleol, sefydliadau bywyd gwyllt, Llywodraeth Cymru a Chyfoeth Naturiol Cymru, yr undebau ffermio, busnesau a grwpiau gwirfoddol.