Tyfu Dyfi - Menter Amaethyddol a Arweinir gan y Gymuned
Mae gan Tyfu Dyfi rai adnoddau ar gael i helpu i werthuso a oes digon o gefnogaeth gymunedol, momentwm ac un neu fwy o safleoedd i sefydlu menter amaethyddol a arweinir gan y gymuned. Os oes, efallai y gallwn helpu i'w sefydlu.
Yr hyn yr ydym yn chwilio amdano:
Rydym am drafod syniadau ar gyfer un neu fwy o fentrau amaethyddol sylweddol a arweinir gan y gymuned yn ardal Biosffer Dyfi. Mae modelau amrywiol y gellid eu harchwilio, ond nodweddir pob un ohonynt gan lefel o bartneriaeth rhwng pobl yn y gymuned leol a mentrau amaethyddol - ffermydd neu dyddynnod.
Rydym am gysylltu ag unrhyw ffermwyr a thyfwyr yn yr ardal sydd â syniad da yr hoffent ei drafod gyda ni. Yn benodol, cyn y gallem ariannu unrhyw beth, byddai angen i’r ffermwr neu’r tyfwr allu dangos:
-
cefnogaeth gymunedol eang, yn enwedig gan y gymuned bresennol sy'n gwneud bywoliaeth o'r system fwyd leol ar hyn o bryd
-
naill ai eich tir eich hun i dyfu arno, neu gytundeb i ddefnyddio tir rhywun arall
-
cynllun busnes cadarn sy'n cynnwys y gymuned leol, neu o leiaf ddechreuadau cynllun busnes cadar
-
profiad o ffermio / tyfu
-
parodrwydd i dyfu i egwyddorion agroecolegol
-
angerdd dros weithio gyda phobl, cynyddu dealltwriaeth o bwysigrwydd amaethyddiaeth, a chynnwys y gymuned leol wrth dyfu eu bwyd eu hunain
Mynediad i ffurflen Mynegi Diddordeb
Os oes gennych ddiddordeb o hyd mewn cael eich syniad am fenter amaethyddol a arweinir gan y gymuned wedi’i ystyried gan dîm Tyfu Dyfi, cliciwch ar y botwm ar y chwith – mae hwn yn cysylltu â ffurflen Google a ddylai, os byddwch yn ei llenwi, roi digon o wybodaeth i ni gallu cynnal asesiad cychwynnol i weld a yw eich awgrym yn rhywbeth y gallem ei gefnogi. Efallai nad oes gennych lawer o fanylion eto - mae hynny'n iawn - hoffem glywed gennych o hyd! A fyddech cystal â chael rhywbeth i mewn erbyn Dydd Llun 7fed o Chwefror 2022 os gallwch chi, er nad yw hwn yn ddyddiad cau absoliwt.
SYLWCH: Mae'r alwad bresennol wedi CAU. Fe all fod galwadau i'r dyfodol yn ddibynnol ar ddatblygiad y prosiect.
Beth sy'n digwydd nesaf?
Bydd aelodau perthnasol consortiwm Tyfu Dyfi yn cyfarfod i adolygu'r cynigion a dderbyniwn. Disgwyliwn y byddai angen trafodaeth bellach sylweddol ac ymgysylltu â rhanddeiliaid cyn y gellir gwneud unrhyw benderfyniadau.
Bydd y meini prawf dethol a ddefnyddiwn yn amlwg wrth i chi lenwi’r ffurflen, ond i grynhoi, rydym yn chwilio’n bennaf am syniadau sy’n:
-
Gall warantu cefnogaeth gymunedol gref ac a fydd yn denu cyfranogiad cymunedol cryf
-
Bydd yn cael ei chynnal a bydd ganddynt fodolaeth ymhell ar ôl prosiect Tyfu Dyfi
-
Bod â pherchnogaeth tir glir, tirfeddiannwr cefnogol a dim problemau hawliau tramwy, cyfyngiadau cynllunio, materion gwasanaeth. etc
-
Yn werth am arian
-
Yn addas o ran maint ac yn ddiogel ar gyfer y gweithgareddau arfaethedig
-
Cael cefnogaeth ehangach y tu hwnt i'r gymuned gyfagos, ee, grwpiau cymunedol eraill, busnesau, ysgolion
-
Cyfrannu at seilwaith gwyrdd ehangach
Unwaith y byddwn wedi ystyried eich mynegiant o ddiddordeb, byddwn yn cysylltu â chi i roi gwybod i chi am y canlyniad, ar gyfer y safleoedd hynny a ddewiswn ar gyfer cymorth Tyfu Dyfi, mae'n debygol y bydd angen rhagor o wybodaeth a thrafodaeth arnom.
