Yn debyg iawn i'r meillion a'r ffacbys sy'n rhoi hwb i ffrwythlondeb ac a ddefnyddir gan ffermwyr ers cryn amser bellach, mae coed a llwyni sy'n sefydlogi nitrogen, megis gwern ac eithin, yn gweithio gyda'r bacteria yn y pridd i drosi nitrogen yn ffurf sy'n ddefnyddiol i blanhigion. Er bod nitrogen yn cael ei drosi yn y gwreiddiau neu’n cael ei gymryd o’r pridd, mae’n cronni yn y dail sydd wedyn yn cael eu cynaeafu a’u hychwanegu at dir cnydau i wrteithio’r pridd. Yn wahanol i gynhyrchu gwrtaith sydd wedi’i weithgynhyrchu, nid yw cyflenwi nitrogen trwy WGLl yn achosi allyriadau carbon deuocsid, ac yn wahanol i wrtaith gwyrdd traddodiadol a dyfir mewn cylchdro, gellir tyfu GGLl ar dir ymylol e.e. llethrau serth neu ardaloedd sydd mewn perygl o lifogydd, gan wneud defnydd effeithlon o adnoddau ffermydd. Mae GGLl yn darparu deunydd organig felly mae’n llesol i iechyd y pridd. Gellir ei ychwanegu ar unrhyw adeg (yn ffres, yn sych neu ar ffurf pelenni) i gyd-fynd ag anghenion y cnwd o ran maethynnau, ac mae felly yn cynyddu effeithlonrwydd ac yn lleihau llygredd nitrogen.